Mhamad Ashqi

  تا دێت جه‌نگی ئۆکرانیا ئاڵۆزتر دەبێت، 24ـی ئەم مانگە ساڵێک بەسەر دەستپێکی جەنگی رووسیا و ئۆکرانیا تێدەپەڕێت، ڤلادیمێر پوتن سەرۆکی رووسیا بەشداریکردنی وڵاته‌كه‌ی لە رێککەوتنی ستارت هەڵپەسارد. رێککەوتنی نیو ستارت، لە 2010 لە نێوان باراک ئۆباما سەرۆکی پێشووتری ئەمه‌ریکا و دمیرتی مێدڤیدێڤ سەرۆکی پێشووی رووسیا واژووکرا.  ئامانج لێی سنووردارکردنی کەمکردنەوەی ژمارەی کڵاوە ئەتۆمییەکانی رووسیا و ئەمه‌ریکایە، هەریەکە لەو دوو وڵاتە نابێت زیاتر لە هەزار و 550 کڵاوەی ئەتۆمی و 700 موشەکی دوور مەودا و بۆمب هاوێژیان هەبێت. لە 1967 ژمارەی کڵاوە ئەتۆمییەکانی ئەمه‌ریکا لە لووتکەدا بوو و خاوەنی 31 هەزار و 255 کڵاوە بووە، ئێستاش خاوەنی سێ هەزار و 750 کڵاوەی ئەتۆمییە. لە 16ی تەمموزی 1945، ئەمه‌ریکا یەکەمین تاقیکردنەوەی بۆمبی ئەتۆمی ئەنجامدا بە ناوی ترینیتی و هێزی تەقینەوەکەی یەکسان بووە بە هێزی تەقینەوەی 18 هەزار و 600 تۆن تی ئێن تی. هەزار و 32 تاقیکردنەوەی ئەتۆمی ئەنجامداوە، تاقیکردنەوە ئەتۆمییەکانی لە 1992 کۆتاییهات. گەورەترین تاقیکردنەوەی ئەتۆمی ئەمه‌ریکاش ناوی کاسڵ براڤۆ بووە و لە یەکی ئاداری...

  سەرۆکی حکومەتی هەرێمی کوردستان لە رۆژی جیهانیی زمانی دایکدا "دوو فەرمانی تایبەت بە گرنگیدان بە زمانی دایک"ی دەرکرد، یەکێکیان تایبەتە بەو هاووڵاتییە بیانییانەی لە هەرێمی کوردستان نیشتەجێن و پرۆگرامێکی گونجاوی فێربوونی زمانی کوردییان بۆ ئامادە دەکرێت.   حکومەتی هەرێمی کوردستان رایگەیاند، ئەمڕۆ سێشەممە 21-02-2023 هاوکات لەگەڵ رۆژی جیهانیی زمانی دایک، مەسرور بارزانی، سەرۆکی حکومەتی هەرێمی کوردستان دوو فەرمانی تایبەت بە گرنگیدان بە زمانی دایک دەرکرد.   لە فەرمانی یەکەمدا هاتووە، "لەپێناو گرنگیدان بە زمانی کوردی وەکو زمانی دایک، بڕیارماندا بە راسپاردنی وەزارەتی خوێندنی باڵا و توێژینەوەی زانستی و وەزارەتی پەروەردە بە هەماهەنگی لەگەڵ ئەکادیمیای کوردی و شارەزا و پسپۆڕانی ئەم بوارە، بە ئامادەکردنی پرۆگرامێکی گونجاوی فێربوونی زمانی کوردی بۆ ئەو هاووڵاتییە بیانییانەی بە مەبەستی کارکردن لە هەرێمی کوردستان نیشتەجێن."

  شاری دوبەی ئیمارات گەشەیەکی گەورە لە بواری خانووبەرە بەخۆیەوە دەبینێت. لە هەموو گۆشەیەک باڵەخانەی بازرگانی و نیشتەجێبوونە و باڵەخانەی تازەش دروست دەکرێن. ئامارە فەرمییەکان باس لەوە دەکەن لە ساڵی 2022 نزیکەی 87 هەزار یەکەی نیشتەجێبوون لە دوبەی فرۆشراون ئامارە نافەرمییەکانیش ئاماژە بەوە دەدەن، زۆربەیان بە رووسەکان فرۆشراون.   ریچارد وەیند، وەبەرهێنەرێكی بەریتانی دانیشتووی دوبەیە، پێیوایە هۆکارە سەرەکییەکە، شەڕی ئۆکراینایە.   ریچارد وەیند سەبارەت بە کڕیارانی یەکەکانی نیشتەجێبوون لە دوبەی، ئەو کڕیارانەی خەڵکی ئیمارات نین دەڵێ "رووس، پاشان بەریتانییەکان و دواتر هیندییەکان. ساڵی رابردوو هیندییەکان لە پلەی یەکەمدا بوون، بەڵام دوای شەڕی ئۆکراینا و تێکچوونی بارودۆخی ئەوروپا، رووس بوونە یەکەم، هەم خێزان و هەم پارەکانیان دێننە ئێرە".

p س ەرۆکی هەرێمی کوردستان لە باکووری کوردستانەوە رایگەیاند، "ئەوەی دەیکەین ئەرکی خۆمانە و ئێمە برای یەکدین."   نێچیرڤان بارزانی، سەرۆکی هەرێمی کوردستان چاوی بە تیمەکانی گەڕان و فریاگوزاریی هەرێمی کوردستان لە ئیسلاحیەی باکووری کوردستان کەوت و قسەی بۆ رۆژنامەڤانان کرد.    سەرۆکی هەرێمی کوردستان بە پەیام سەربەست، پەیامنێری رووداوی گوت، "بە دڵنیاییەوە ناردنی هاوکارییەکان بەردەوام دەبێت." xo